Nagbigay abiso ang pamunuan ng Cebu Pacific na kanselado ang apat nilang flights mula Bicol patungong Maynila gayundin sa Cebu at pabalik.
Ayon sa Civil Aviation Authority (CAAP), kanselado ang Cebu Pacific flight 5J 321 at 5J 322 na biyaheng Manila patungong Daraga at pabalik, dulot ng Aircraft Additional Requirements
Kanselado rin ang CebGo flight DG 6209 at DG 6207 na biyaheng Daraga patungong Cebu at pabalik bunsod naman ng nararanasang problemang teknikal.
Gayunman, nilinaw ng CAAP na walang kinalaman sa pag-aalburoto ng bulkang Mayon ang mga kanselasyon na ito ng biyahe ng Cebu Pacific. Sa kasalukuyan, nananatiling operational ang Bicol International Airport sa Daraga kahit nakataas ang Alert Level 3 sa Mayon. | ulat ni Jaymark Dagala
