Opisyal nang inilunsad ng National Housing Authority-Housing Technology and Technical Research Department (NHA-HTTRD) ang ikalawang edisyon ng NHA Standard Housing Models Design Manual.
Ang NHA Standard Housing Models Design Manual 2 ay magsisilbing sanggunian para sa disenyo ng mga bagong modelo ng pabahay.
Magsisilbi itong gabay hindi lamang ng iba’t ibang housing stakeholders, kung hindi maging ng mga taga-plano at tagapagpatupad ng mga proyektong pabahay ng NHA.
Ang aktibidad ay pinangunahan ni NHA Assistant General Manager Alvin Feliciano kasama ang iba pang opisyal ng ahensya. | ulat ni Rey Ferrer
