Tumulong na ang mga tauhan ng Quezon City Jail Mail Dormitory sa repacking ng relief goods sa DSWD-National Resource Operation Center sa Pasay City.
Ayon kay QCJMD Warden JSupt. Michelle Ng Bonto,
ang mga relief goods ay ipapamahagi sa mga naapektuhan noon ni Bagyong #BettyPH.
Isinagawa ito ng mga jail personnel sa mga huling araw ng kanilang selebrasyon na ika-12 taong BJMP Community Relations Service Month nitong buwan ng Hunyo.
Ang pagtulong sa DSWD ay ilan lamang sa mga aktibidad na isinagawa ng QCJMD.
Una rito ang feeding program sa may 100 residente ng barangay Kamuning, ang lingguhang information drive tungkol sa National Task Force to End Communist Armed Conflict (NTF-ELCAC), Anti-Smoking Campaign, Anti-Drugs Campaign, Clean-up drive sa Estero, BJMP Recruitment at E-Sumbong mo kay RD.| ulat ni Rey Ferrer
