Natagpuang wala nang buhay ang batang lalaki na iniulat na ‘missing’ sa Barangay Batasan Hills, Quezon City
Ayon kay Larry Pineda, ang Rescue Unit Personnel ng barangay Batasan Hills, noon pang Biyernes, iniulat ang pagkawala ng batang nasa edad siyam hanggang dose anyos.
Huling namataang naliligo sa Marikina River ang bata kasama ang apat na iba pang kaibigan nang bigla itong nawala.
Nagtulong-tulong na ang Quezon City Disaster Risk Reduction and Management Office (QCDRRMO), Philippine Coastguard at Bureau of Fire Protection sa rescue operations pero bigo na matagpuan ang bata.
Ayon sa ulat, kagabi lang natagpuan ang batang lalaki sa ilog na sakop ng barangay Nangka sa lungsod ng Marikina at wala nang buhay. | ulat ni Rey Ferrer
