Inaasahan nang daragsa ngayong araw ang libu-libong Filipino pilgrims na lumahok sa taunang Hajj sa Makka, Saudi Arabia.
Magmula kanina, sunud-sunod na flights na ng Oman Air, Kuwait Airlines at Saudia Airlines ang lumapag na at lalapag pa lang sa Ninoy Aquino International Airport o NAIA Terminal 1.
Batay sa impormasyon mula sa Manila International Airport Authority o MIAA Media Affairs Division, posibleng tumagal hanggang Hulyo 9 ang pagdating ng mga Pinoy pilgrim.
Nakaantabay naman ang mga tauhan ng National Commission on Muslim Filipinos o NCMF para umalalay sa mga nagbabalik-bansang Pinoy pilgrims.
Ilan sa mga nakauwi na ang isinailalim naman sa pagsusuri ng medical team ng Komisyon na nasa Saudi Arabia. | ulat ni Jaymark Dagala
