Nakipagpulong ang Metropolitan Manila Development Authority o MMDA sa Department of Agriculture at mga market administrator ng 17 lokal na pamahalaan sa National Capital Region.
Ito ay para talakayin ang Farm-to-Market Direct Supply Linking in Metro Manila.
Kabilang sa mga napag-usapan ang tungkol sa 5-Point Farm-To-Market Direct Supply Linking ng area mapping, crop monitoring, market linking, delivery routing, at produce dispatching.
Pinangunahan nina MMDA Acting Chairman Atty. Don Artes at iba pang opisyal ng ahensya kasama ang ilang opisyal ng DA ang nasabing pagpupulong.
Layunin ng proyektong ito na matulungan ang mga farmer at vendor at mapababa ang presyo ng agricultural products sa mga palengke lalo na kung mayroong oversupply ng mga gulay. | ulat ni Diane Lear
📷: MMDA
