Makikipagpulong ng personal si United States Secretary of Defense Lloyd J. Austin III kay Department of National Defense (DND) Secretary Gilbert Teodoro.
Ito ang napagkasunduan ng dalawang opisyal sa kanilang pag-uusap sa telepono kahapon.
Ang nakatakdang personal na pag-uusap ng dalawang opisyal ay para masusing talakayin ang mga “defense and security priorities” ng Pilipinas at Estados Unidos.
Ito’y matapos na mapag-usapan ni Sec. Austin at Sec. Teodoro ang naging magandang progreso sa nakalipas na taon sa pagsulong ng kooperasyong pandepensa ng Pilipinas at Estados Unidos.
Kabilang dito ang pagpapalawak ng Enhanced Defense Cooperation Agreement, pagsasagawa ng joint patrols sa South China Sea, at pagbuo ng Bilateral Defense Guidelines. | ulat ni Leo Sarne