Nakipagpulong si Department of Trade and Industry Secretary Alfredo Pascual kay German Federal Ministry for Economic Affairs and Climate Action State Secretary Udo Philipp upang hingin ang suporta ng Germany para sa pagsisimula ng negosasyon para sa Free Trade Agreement sa pagitan ng Pilipinas at European Union.
Sa nasabing pulong, humingi ng suporta si Pascual sa German government para sa renewal ng EU Generalised Scheme of Preferences Plus o GSP+ na nakatakdang mapaso ngayong taon. Sa ilalim ng nasabing grant, pinahihintulutan nito ang pagpasok ng anim na libong Philippine-made exports sa Germany ng walang taripa.
Nakipag-usap din siya kay State Secretary Philipp na ipagpatuloy ang pagpapaunlad ng trade and investment ties sa pagitan ng Pilipinas at Germany.
Aabot sa P393.27 bilyon ang inaprubahang foreign investments ng Pilipinas mula Germany para sa first half ng 2023. Ito rin ang unang beses na nanguna ang Germany bilang pangunahing source ng foreign investments ng bansa sa nakalipas na dekada. | ulat ni Gab Humilde Villegas
📷: DTI