Pinuri ni Camarines Sur Representative LRay Villafuerte ang paglagda ni Pangulong Ferdinand R. Marcos Jr. sa Republic Act 11953 o Agrarian Emancipation Act.
Ayon sa mambabatas, maituturing itong “defining moment” ng Marcos Jr. administration lalo at higit kalahating milyong Agrarian Reform Beneficiaries (ARBs) ang makikinabang dito.
Punto ng National Unity Party president, oras na makalaya sa dekada nang pagkakautang ang mga ARB ay mabibigyang pagkakataon silang maka-access sa rural credit upang mas matutukan ang kanilang lupang sakahan, at mapataas ang kanilang produksyon.
Ang mas maraming tanim at ani, magreresulta naman aniya sa mas mababang presyo ng mga bilihin.
“[This law is] a defining moment for President Marcos in his first year in office as it will provide badly-needed financial relief to more than 600,000 ARBs and their families, while at the same benefitting the country’s consumers as the higher productivity expected from these farmers’ debt condonation will eventually spell bigger harvests and cheaper rice and other food crops.” ani Villafuerte sa isang statement.
Dagdag pa ni Villafuerte, na ipinapakita lamang ni Panulong Marcos Jr. na seryoso siya sa pagpapasigla muli sa sektor ng agrikultura at pagsuporta sa mga Pilipinong magsasaka upang tuluyang makamit ng Pilipinas ang pagiging food sufficient.| ulat ni Kathleen Forbes
