Walang nakikitang malaking problema ang Department of Energy (DOE) sa suplay ng enerhiya ng bansa ngayong taon.
Ito ang inihayag ni Energy Usec. Rowena Guevarra sa kabila ng banta ng El Niño Phenomenon kung saan, inaasahang lalakas ang konsumo sa kuryente.
Ayon kay Guevarra, batay sa kanilang power outlook ay posibleng magkaroon ng 4 na Yellow Alert sa bansa ngayong Hulyo at sa Agosto ng taong ito.
Isa aniya ang posibleng maramdaman ngayong buwan habang may tatlo namang Yellow Alert sa susunod na buwan.
Bagaman aminado ang DOE na posibleng magkaroon ng manipis na suplay ng kuryente, pero pagtitiyak ni Guevarra, hindi naman ito magdudulot ng power outage. | ulat ni Jaymark Dagala
