Under control na ni Tourism Secretary Christina Frasco ang sitwasyon kaugnay sa usaping kinahaharap ngayon ng Love the Philippines video ad, na gumamit ng mga video na hindi kinunan sa Pilipinas.
“I spoke to her, I have been actually but in fact since all of these came to the fore. At nakita ko naman mabilis ang galaw niya that she terminated the contracts that were in question.” —Pangulong Marcos.
Ayon kay Pangulong Ferdinand R. Marcos Jr., nananatili pa rin ang kaniyang tiwala sa kalihim, na naging mabilis aniya ang pagaksyon sa usapin.
Kabilang na dito ang agad na terminasyon ng kinu-kwenstyong kontrata, at ang pagpapa-review ng kalihim sa iba pang kontrata ng Department of Tourism (DOT) na nasa pipeline na.
“She has also since then put under review all of the other contarcts that were in the pipeline. Kaya’t sa aking palagay she has it under control.” —Pangulong Marcos
Ayon sa pangulo, ang mga hakbang na ito ng kalihim sumasalamin lamang na maaayos ng kalihim ang naging problema at alam na nito ang dapat gawin.
“She knows what to do, what she has done so far inspires confidence that she will fix the problem and that the campaign of Love the Philippines will be as successful as we hope for it to be.” —Pangulong Marcos
| ulat ni Racquel Bayan
