Nahuli ng mga tauhan ng Bacoor City Police Station sa isinagawang Anti-Illegal Drug Operation ang limang indibidwal dahil sa pagbebenta ng pinaghihinalaang shabu kaninang alas-3:10 ng madaling araw sa Barangay Kaingen, Bacoor, Cavite.
Naaresto ang mga suspek na kinilala bilang sina John Remlie Baquir, alyas Jay-Ar; Ellen Faye Lim, alyas Kambal; Ma. Crizelda Orquiza, alyas Uday; Jerick John Cruz, alyas Itong; at Jennifer Dela Rama.
Nakuha sa mga suspek ang ₱7,500 na halaga ng buy-bust money, nakaselyong plastic sachet na may lamang pinaghihinalaang shabu na nagkakahalaga ng ₱1.42 milyon, pouch na may lamang ₱350, timbangan, gunting, dalawang android phone.
Mahaharap sa paglabag sa Article 2, Section 5, 11, 26 ng Republic Act 9165 ang mga naarestong suspek. | ulat ni Gab Villegas
