Inaprubahan na ng Toll Regulatory Board (TRB) ang taas-singil sa isang toll road ng Cavite Expressway o Cavitex.
Sa inilabas na datos ng TRB, ₱2 ang itataas ng toll ng Cavitex mula Coastal Road hanggang Parañaque, Las Piñas, Zapote Exit. Mula ₱33 ay magiging ₱35 na para sa Class 1 vehicles. Sa Class 2 vehicles naman ay mula sa dating ₱67 ay nasa ₱70 na. Habang sa Class 3 naman ay nasa ₱104 na ang singil sa dating ₱100.
Sa ikalawang toll plaza naman, ay nasa ₱70 na sa dating ₱67 ang magiging singil ng Cavitex para sa Class 1 vehicles, habang nasa ₱145 naman mula sa dating ₱129 ang singil sa Class 2 vehicles, at nasa ₱219 naman na dating ₱194 ang singil sa Class 3 vehicles.
Ayon sa Cavitex, maglalabas sila ng public announcement kung kailan ipatutupad ang bagong toll fees. | ulat ni AJ Ignacio
