Umabot sa 37,020 indibidwal ang pumasa sa eligibility para makasama sa Philippine National Police Academy Cadet Admission Test (PNPACAT) ngayong taon.
Ayon kay PNPA Director Police Brigadier General Samuel Nacion, ang mga kwalipikadong aplikante ay mula sa mahigit 108,000 nagsumite ng aplikasyon mula January 1 hanggang July 15.
Sinabi ni Nacion na ito ang pinakamalaking bilang ng mga kwalipikadong aplikante sa kanilang kasaysayan, na mas mataas ng 16 na porsyento sa dating record noong 2022.
Isa aniya itong kahanga-hangang “achievement” sa kasaysayan ng akademya, na sumasalamin sa lumalaking bilang ng mga kabataan na nais magsilbi sa bayan.
Ang PNPACAT ay isasagawa sa 37 testing centers sa iba’t ibang panig ng bansa sa August 6. | ulat ni Leo Sarne
