Hinkayat ni Senate Committee on Justice Chairperson Senador Francis Tolentino ang gobyerno na patuloy na i-monitor ang mga paglilitis ng International Criminal Court (ICC) sa kabila ng naunang pahayag ng Malacañang na hindi na makikipag-ugnayan ang Pilipinas sa tribunal.
Ipinaliwanag ni Tolentino na dapat ay alam pa rin ng ating pamahalaan ang nangyayari sa proceedings ng ICC tungkol sa drug war ng nakaraang Duterte administration.
Ayon sa senador, ang tuluyang paghiwalay ng bansa sa ICC ay hindi mangangahulugan ng tuluyang pagkawala ng komunikasyon kaya makabubuti kung ipagpapatuloy ng Office of the Solicitor General ang pag-monitor sa anumang posibleng mangyari sa proceedings at takbo ng imbestigasyon laban sa bansa.
Binigyang diin pa ni Tolentino na may tiyansang mabasura o maisantabi pa ang pag-iisyu ng Warrant of Arrest laban kina dating Pangulong Rodrigo Duterte at Senador Ronald ‘Bato’ dela Rosa dahil mismong ang mga ICC judges ay hati ang desisyon sa drug war noon ng bansa. | ulat ni Nimfa Mae Asuncion
