Nakansela ang ilang biyahe ngayong umaga sa Parañaque Integrated Terminal Exchange (PITX) dahil sa sama ng panahon na dulot ng bagyong Egay.
Ayon sa pamunuan ng PITX, kanselado ngayong umaga ang dalawang biyahe ng Ceres Transport at OM Transport na patungong San Jose, Occidental Mindoro.
Samantala, hindi pa tiyak kung matutuloy ang biyahe patungong Virac, Catanduanes, Pamplona, Leyte, at Placer sa Masbate dahil patuloy pang inaalam kung ligtas bang makapaglayag ang mga roro vesslecat upang matiyak ang kaligtasan ng bawat pasahero.
Samantala, nagpaalala naman ang pamunuuan ng PITX sa publiko na makipag-ugnayan sa mga bus companies at sa social media pages ng PITX para sa status ng kanilang mga biyahe. | ulat ni AJ Ignacio
