Magkakasa na rin ang Office of the House Speaker ng relief operations para sa mga lugar na hinagupit ng bagyong Egay bilang bahagi ng Speaker’s Disaster Relief and Rehabilitation Initiative.
Sa kasalukuyan ay isinasapinal na lamang ng tanggapan ni Speaker Martin Romualdez ang listahan ng mga lugar na pag-aabutan ng ayuda.
Nakikipag-ugnayan na rin ang Speaker’s Office sa mga kinatawan ng bawat distrito na apektado ng bagyo.
Pagsisiguro naman ng Office of the Speaker, na kahit nasa labas ng bansa si Romuladez ay nakatutok din siya sa sitwasyon.
Si Romualdez ay kasama sa state visit ni Pangulong Ferdinand R. Marcos Jr. sa Malaysia. | ulat ni Kathleen Forbes
