Nag-uumpisa na ang Japanese delegation na tutulong sa pag-contain ng oil spill sa Oriental Mindoro.
Sa Saturday News Form, sinabi ni Philippine Coast Guard (PCG) Admiral Artemio Abu na malaki ang maitutulong ng naturang grupo dahil sa mga karanasan at kaalaman nito sa pag-contain ng oil spill sa bansa.
Dagdag pa ni Abu na ongoing na sa ngayon ang maritime assessment ng PCG at ng Japanese delegation para malaman kung gaano na kalaki ang naging pinsala ng oil spill sa karagatan ng Oriental Mindoro.
Makakaasa umano ang publiko na gagawin nila ang lahat para sa mas mabilis na pag-contain ng naturang oil spill. | ulat ni AJ Ignacio
