Inatasan na ni Department of the Interior and Local Government (DILG) Secretary Benhur Abalos Jr. ang Local Government Units (LGUs) na asistehan ang Commission on Elections (Comelec) sa pagbaklas ng mga election propaganda materials na labag sa batas sa halalan.
Ginawa ito ng kalihim habang papalapit na ang election period sa Agosto 28 para sa 2023 Barangay at Sangguniang Kabataan Election (BSKE).
Aniya, ang DILG, LGUs, at iba pang ahensya ng gobyerno ay deputized ng Comelec upang tulungan ang election body.
Nakatakda na ang Barangay at SK election sa Oktubre 30, habang tatakbo naman ang election period mula Agosto 28 hanggang Nobyembre 29.
Ang panahon ng kampanya naman ay magsisimula sa Oktubre 19 hanggang 28. | ulat ni Rey Ferrer
