Binati ni Philippine Army Chief Lieutenant General Roy Galido ang Philippine Army Arnis Team, sa kanilang pag-kampeon sa SGM Cacoy Cañete World International Filipino Martial Arts 2023 festival sa Cebu City.
Sa naturang kompetisyon, nagwagi ang Philippine Army Team sa lahat ng siyam na kategorya ng torneo, sa paghakot ng 17 ginto, 12 pilak at 10 tansong medalya nitong nakalipas na Agosto 6.
Ang aktibidad ay isinasagawa kada dalawang taon para i-“showcase” ang arnis bilang tradisyunal na Filipino Martial Arts, at ipagdiwang ang kultura nito.
Sa taong ito, may kabuuang 360 manlalaro mula sa siyam na bansa kabilang ang Reunion Island, Poland, Germany, Australia, Taiwan, New Zealand, Costa Rica at Pilipinas ang lumahok.
Ayon kay Galido, ang pagwawagi ng Phil. Army Team sa Arnis Tournament ay nagpapakita ng “excellent teamwork” ng mga tauhan ng Phil. Army. | ulat ni Leo Sarne