Isasagawa sa darating na Biyernes ang Diskwento Caravan – Balik Eskwela Edition ng Department of Trade and Industry (DTI) sa bayan ng Dingras, Ilocos Norte.
Ayon sa DTI Ilocos Norte, mga murang school supplies pero de kalidad, bundled at discounted grocery items, apparels, bags, appliances at iba pa ang ibebenta.
Magbubukas ang Diskwento Caravan mula alas-8:00 ng umaga hanggang alas-5:00 ng hapon sa Agosto 18, 2023.
Ang Diskwento Caravan ay hakbang ng ahensya at gobyerno para makatipid ng budget ang mga magulang sa pagbili ng kailangan ng mga anak sa darating na pasukan sa Agosto 29, 2023. | ulat ni Ranie Dorilag | RP1 Laoag
