Magsasagawa ang Valenzuela LGU ng malawakang job fair sa darating na Huwebes, August 24.
Sa abiso ng pamahalaang lungsod, daan-daang job vacancies ang bubuksan nito sa Mega Job Fair na gaganapin sa Valenzuela City People’s Park Amphitheater, simula 8:00 a.m. hanggang 3:00 p.m.
Ito ay pangungunahan ng Valenzuela City Public Employment Service Office.
Kaugnay nito, hinikayat ang first time job seekers at iba pang naghahanap ng trabaho na maghanda na ng maraming resume/biodata.
Bukod sa trabaho, mayroon ding alok na one-stop-shop ng pre-employment services sa naturang job fair kasama ang iba’t ibang ahensya ng pamahalaan.
Una nang nag-organisa ng overseas job fair ang Valenzuela LGU kung saan anim na aplikante ang pasok sa inaplayan habang 425 ang tutuloy sa interview process. | ulat ni Merry Ann Bastasa
