Suspendido bukas ang operasyon ng lahat DFA Consular Offices at Temporary Off-Site Passport Services sa Metro Manila at Bulacan kabilang na ang DFA ASEANA dahil sa opening ceremonies mg FIBA Basketball World Cup 2023, ito ay batay na rin sa Memorandum Circular No. 90 na nilagdaan ni Pangulong Ferdinand R. Marcos Jr noong August 15.
Suspendido rin sa Lunes ang lahat ng operasyon ng mga Consular Offices at TOPS sa buong bansa, kabilang na ang DFA ASEANA dahil naman sa paggunita ng National Heroes Day.
Ang mga aplikante na mayroong kumpirmadong appointment bukas sa DFA ASEANA, mga Consular Offices at TOPS sa Metro Manila at Bulacan ay maa-accommodate mula August 29 hanggang September 25.
Ang mga aplikante ay inaabisuhan na sundin pa rin ang timeslot na nakapaloob sa kanilang appointment. | ulat ni Gab Villegas
