Nais ni Senator Risa Hontiveros na dagdagan pa ang ilalaang pondo sa Philippine Coast Guard para sa pagpapalakas ng pagbabantay sa karagatan na nakapaloob sa West Philippine Sea.
Sa kanyang privilege speech sinabi ng mambabatas na karapat-dapat lamang na madagdagan ang pondo ng PCG dahil sa panganib na kinakaharap ng mga bantay-dagat ng bansa sa pagbabantay nito sa West Philippine Sea at sa pangha-harass ng Chinese Coast Guard.
Dagdag pa ni Hontiveros na kailangan din na palakasin pa ang teknolohiya ng PCG partikular sa counter-intelligence upang maging handa ang ito sa anumang banta sa pinag-aagawang teritoryo.
Nanawagan naman si Hontiveros sa mga kapwa senador na makiisa sa kanyang pagnanais na magkaroon ng maayos na pondo ang PCG sa bagbabantay ng karagatan sa buong bansa. | ulat ni AJ Ignacio
