Hinikayat ni Pangulong Ferdinand R. Marcos Jr. ang mga miyembro ng Association of Southeast Asian Nations (ASEAN), na magkaisa sa panawagan sa developing countries na pagtibayin ang kanilang commitment para umaksiyon sa climate change.
Bahagi ito ng intervention ng Pangulo sa isinagawang plenary session ng 43rd ASEAN Summit, kung saan ay binigyang diin ng Punong Ehekutibo na ang pagbabago ng klima ay itinuturing na most urgent threat o banta sa kaunlaran ng bansa.
Kabilang sa sinabi ng Pangulo sa commitment na dapat magarantiya ng developing countries ay climate finance, technology development and transfer gayundin ang capacity building upang mabawasan man lang ang impact ng climate change.
Ang Pilipinas bilang most disaster-prone country sa mundo ay inihayag ng Pangulo, na patuloy na isasaprayoridad ng pamahalaan ang pakikipagtulungan upang maabot ang target na ASEAN climate-smart and disaster-read.
Pinunto ng Pangulo, na mahalaga ang community-building efforts at mula doon ay ma-assess o mataya ang lakas ng bawat isa sa pakikiharap sa ganitong mga hamon. | ulat ni Alvin Baltazar
