Sa pamamagitan ng viva voce voting sa Kamara ay inaprubahan sa ikalawang pagbasa ang House Bill 7413.
Itinutulak dito na ipangalan ang kahabaan ng Agham at BIR Road sa Quezon City kay dating Senador Miriam Defensor Santiago.
Pangunahin itong iniakda nina Isabela Representative Antonio “Tonypet” Albano; Quezon City Representative Arjo Atayde; at Quezon City Representative Marvin Rillo, upang kilalanin ang mga nagawa at kontribusyon ng yumaong senador sa mga Pilipino at ating bansa.
Oras na maisabatas, ang kahabaan ng Agham Road at BIR Road, mula North Avenue, Quezon Avenue at East Avenue ay tatawaging Senator Miriam P. Defensor-Santiago Avenue. | ulat ni Kathleen Jean Forbes
