Target ng DSWD na mabigyan ng tulong pinansiyal ang 405 maliliit na rice retailers sa Commonwealth market ngayong umaga.
Ayon kay DSWD Assistant Secretary Rommel Lopez, bawat benepisyaryo ay tatanggap ng P15,000 o kabuuang P6,075,000.
Kailangan lamang magdala ng identification card ang mga benepisyaryo sa pag-claim ng kanilang cash aid.
Kailangan din na nasa masterlist ng Department of Trade and Industry ang pangalan ng mga benepisyaryo bago mabigyan ng ayuda.
Samantala, nasa 136 namang benepisyaryo ang bibigyan ng cash aid sa Caloocan at 48 sa San Juan City.
Sa bahagi ng Manila, hindi pa matutuloy ang distribusyon ng cash aid ngayong araw. | ulat ni Rey Ferrer
