Patuloy pang nadaragdagan ang bilang ng mga mag-aaral na nagpapatala o enrollee para sa School Year 2023-2024.
Batay sa datos mula sa Department of Education o DepEd Learner Information System Quick Count, pumapalo na sa 26.4 million ang bilang ng mga mag-aaral na nagpatala para sa taong ito.
Nangunguna pa rin ang Region 4A o CALABARZON sa may pinakamaraming enrollee na may 3.8 million na sinundan naman ng Region 3 o Central Luzon at ng National Capital Region o NCR.
Bagaman nadagdagan, mababa pa rin ito kung ikukumpara naman sa 28 milyon na target cap ng DepEd para sa kasalukuyang school year.
Gayunman, sinabi ng DepEd na patuloy pa rin nilang tututukan ang enrollment kahit na nakaka-dalawang linggo na buhat nang magbukas ang klase sa mga pampubliko at pribadong paaralan. | ulat ni Jaymark Dagala
