Iginiit ni Vice President Sara Z. Duterte sa lahat ng sektor ng pamahalaan na bigyang halaga ang Concensus Building sa pagpapanatili ng kapayapaan sa Davao Region matapos itong ideklarang insurgency-free.
Sa kanyang talumpati sa pagbubukas ng Peace Village Exhibit sa SM City Davao, sinabi ng Pangalawang Pangulo na malaking bagay ang Concensus Building sa pagdinig ng mga hinaing ng komunidad upang mabigyan agad ng karampatang solusyon.
Giit ni VP Sara na ito rin ang hakbang para maramdaman ng lahat ng tao na kabilang sila sa pag-unlad ng lipunan.
Sa pamamagitan din nito, mabibigyang kapangyarihan ang mga komunidad na maging self-sufficient kung saan isa ito sa mga importanteng sangkap para mapanatili ang kapayapaan sa rehiyon. | ulat ni Armando Fenequito | RP1 Davao
