Iniulat ng Office of Civil Defense (OCD) na 5 ang nasaktan sa 6.3 magnitude na lindol na tumama sa Dalupiri Island, Calayan, Cagayan kagabi.
Ayon kay Diego A. Mariano, Head ng Disaster Communications Unit, ang lima ay iniulat na nabagsakan ng gumuhong pader, kung saan minor injuries lang ang tinamo ng tatlo, habang brain trauma at concussion ang tinamo ng dalawa.
Sa huling ulat ng OCD ngayong umaga, walang iniulat na nasawi at walang naitalang major damage sa imprastraktura ang lindol.
Kasalukuyang nagsasagawa ng monitoring at assessment sa sitwasyon ang OCD Region 2, kasama ang Cagayan at Isabela Provincial Disaster Risk Reduction Management Council (PDRRMC).
Tiniyak ng NDRRMC na naka-preposisyon ang mga relief supply kung sakaling kakailanganin, bagama’t sa ngayon ay wala pang pinagsisilbihan sa mga evacuation center. | ulat ni Leo Sarne
