Binigyang diin ni Vice President Sara Duterte ang kahalagahan ng pagsusulong ng adhikain na mapanatili at pangalagaan ang likas ng ating bansa.
Kaugnay nito ay pinangunahan ni VP Sara at Department of Environment and Natural Resources (DENR), ang pagpapakawala sa 152 critically endangered na Hawksbill Turtles pabalik sa kanilang natural habitat sa baybayin ng Aboitiz Cleanergy Park sa Punta Dumalag, Davao City.
Kabilang ang Hawksbill Turtle sa critically endangered species ng pawikan sa buong mundo. Kasama rin ito sa limang species ng pawikan na makikita sa Pilipinas.
Ayon kay VP Sara, mahalaga ang naturang aktibidad upang maipaliwanag sa mga kabataan at sa mga komunidad kung paano pangalagaan ang kapaligiran.
Nagpasalamat naman ang Pangalawang Pangulo sa DENR at Aboitiz Foundation, Inc. sa kanilang pagsisikap sa pagpapanatili ng ecological preserve at biodiversity sa Pilipinas. | ulat ni Diane Lear
