Kinumpirma ng Land Transportation Franchising and Regulatory Board (LTFRB) na downloaded na ang pondo sa Land Bank of the Philippines para sa fuel subsidy ng public utility vehicles (PUVs).
Ayon kay LTFRB Chairperson Teofilo Guadiz III, nasa proseso na ang Land Bank sa pamamahagi ng fuel subsidy sa mga operator ng PUV.
Nakadepende na rin sa kanila kung paano pabibilisin ang disbursement ng subsidiya sa mga PUV beneficiary.
Ngayong araw may 5 % hanggang 10% pa lang ng PUV operators ang nakakuha ng kanilang fuel subsidy.
Ito ay mula sa inisyal na P50,000 beneficiaries na isinumite ng LTFRB sa Land Bank, para malagyan na ng pondo ang kanilang Pantawid Pasada card.
Hanggang Biyernes, sisikapin ng LTFRB na makumpleto ang isusumiteng listahan ng kabuuang 280,000 PUV operators para mabigyan ng subsidiya.
Samantala, kinumpirma din ni Guadiz, na asahan na rin ang dagdag-singil sa pasahe bago matapos ang taon. | ulat ni Rey Ferrer
