Pinangunahan ni Office of the Presidential Adviser for Peace Reconciliation and Unity (OPAPRU) Secretary Carlito Galvez Jr. ang paglalantad ng peace marker na gawa sa mga piyesa ng isinukong armas sa Philippine Military Academy (PMA), sa Baguio City.
Ang ‘Longayban’ peace marker na salitang Ibaloi at Kankanaey para sa “magandang binibini” ang pangatlong peace marker na itinatag sa Cordillera Region.
Ang unang peace marker ay itinatag sa Mount Data Hotel sa Bauko, Mountain Province kung saan nilagdaan ang makasaysayang 1986 Mount Data Peace Accord.
Ang pangalawa ay inilagay sa Manabo, Abra, kung saan idinaos ang Pagta Congress noong 1986.
Ayon kay Galvez, ang mga peace marker ay nagsisilbing paalala sa mga mamamayan sa rehiyon ng mga makabuluhang kaganapan sa matagumpay na prosesong pangkapayapaan sa pagitan ng pamahalaan at Cordillera Bodong Administration at Cordillera People’s Liberation Army (CBA-CPLA). | ulat ni Leo Sarne
📷: OPAPRU
