Hindi pinagbigyan ng Commission on Election ang kahilingan ng maraming Barangay Officials na gamitin ang ilang bahagi ng kanilang Barangay Fund ngayon Septyembre at Oktubre.
Ayon kay Comelec Chairperson George Erwin Garcia, maraming barangay sa buong bansa ang sumulat sa kanila para magamit ang kanilang pondo sa pagpapagawa ng mga proyekto at social services.
Lahat daw ng request ay kanilang tinanggihan dahil sa paniniwalang gagamitin lamang ito ng mga incumbent Barangay Officials para sa kanilang pangangampanya.
Tanging ang operating expenses lamang tulad ng sweldo, bayad sa kuryente, tubig at telepono ang pinahihintulutang gamitin.
Babala ng Comelec, hindi sila magdadalawang isip na i-disqualify ang sinumang mga incumbent Barangay Officials na gagamitin ang pondo ng barangay at SK para sa pangangampanya. | ulat ni Michael Rogas
