Suspendido na ang mga klase ngayong araw ng Biyernes, September 22, 2023, sa lahat ng antas, pampubliko o pribado sa Lungsod ng Pasay, Las Piñas, Muntinlupa, at Parañaque dahil sa banta sa kalusugan ng usok na ibinubuga ng Bulkang Taal.
Ayon sa mga lokal na pamahalaan ng lungsod, mas importante pa rin ang kapakanan ng mga estudyante kung kaya naman minabuti na nilang kanselahin muna pansamantala ang mga klase.
Nagbigay paalala rin ang mga LGU na magsuot muli ng face mask o protective gear bilang sangga at nang hindi na makalanghap pa ng volcanic smog na maaring makaapekto sa kalusugan ng bawat isa.
Samantala, kung wala namang importanteng pupuntahan, pinapayuhan rin nila ang publiko na manatili sa loob ng tahanan at dagdagan ang ibayong pag-iingat. | ulat ni AJ Ignacio
