Siniguro ng Bureau of Fisheries and Aquatic Resources (BFAR) na may suplay ng isda ngayong buwan ng Oktubre hanggang sa Disyembre sa Ilocos Norte.
Ito ay dahil sa patuloy na suporta sa fish farmers sa lalawigan sa pagbibigay ng fingerlings at fish cages.
Ayon kay Vanessa Abegail Dagdagan ng BFAR sa Ilocos Norte, mayroong Tilapia-Shrimp polyculture na ginagawa para maparami ang suplay ng isda sa lalawigan.
Unang isinagawa ang GMP o Good Manufacturing Practices training sa Fish Farm sa bayan ng Pasuquin na dinaluhan ng ilang residente mula sa iba’t-ibang munisipyo kaugnay sa mas magandang ani ng mga isda. | ulat ni Ranie Dorilag | RP1 Laoag
