Muling nagtulungan ang One Meralco Foundation at Lenovo Philippines Inc. para magbigay ng tulong sa mga liblib na paaralan sa bansa.
Layon nitong mapabuti ang kalidad ng edukasyon, lalo na ang mga eskwelahan na nasa malalayong komunidad.
Kaugnay nito ay namahagi ng mga laptop ang dalawang organisasyon para sa iba’t ibang paaralan sa Sarangani, Sultan Kudarat, Palawan, at South Cotabato.
Ayon sa Meralco, taong 2012 nang magsimulang ilunsad ang naturang programa para mamahagi ng mga laptop at back-to-school kit sa ilang paaralan sa lalawigan ng Iloilo.
Malaking tulong naman ang naturang mga donasyon sa mga guro at mag-aaral, upang maiangat pa ang antas ng kanilang kaalaman gamit ang makabagong teknolohiya. | ulat ni Diane Lear
