Malugod na tinanggap ni Department of National Defense (DND) Secretary Gilbert Teodoro ang panukala na palakasin ang maritime, energy at fisheries industry cooperation sa pagitan ng Pilipinas at Norway.
Ang panukala ay inihain ni Ambassador of Norway to the Philippines Christian Halaas Lyster sa kanyang courtesy call sa kalihim nitong Martes.
Sa pagpupulong ng dalawang opisyal, sinabi ni Teodoro na welcome ang suporta ng Norway sa naturang mga larangan para mapalawak ang presensya ng Pilipinas sa West Philippine Sea, at maitaguyod ang karapatan ng bansa sa pagtuklas at pakikinabang sa kanyang Exclusive Economic Zone (EEZ).
Kapwa tiniyak naman ng dalawang opisyal ang pagkakaisa ng Pilipinas at Norway sa kanilang commitment sa rule of law at United Nations Convention on Law of the Seas (UNCLOS).
Tinalakay din ng dalawang opisyal ang non-traditional security concerns tulad ng pagkalat ng fake news, kung saan palalakasin ang koordinasyon ng dalawang bansa kasama ang iba pang kaalyado para kontrahin ito. | ulat ni Leo Sarne
📷: DND
