Arestado ng Philippine National Police- Drug Enforcement Group (PDEG) at Philippine Drug Enforcement Agency (PDEA) ang isang notorious drug suspek sa Tondo na nakunan ng ₱1.3-milyong pisong halaga ng shabu.
Sa ulat ni PDEG Director Police Col. Dionisio Bartolome Jr. kay PNP Chief Police General Benjamin Acorda Jr.,
kinilala ang arestadong suspek na si Croisito Cubilla Torres, 27 taong gulang.
Naaresto ito sa buy-bust operation sa Barangay 20, Tondo, Manila nitong Sabado ng gabi.
Narekober sa suspek ang dalawang plastic sachet na naglalaman ng 200 gramo ng shabu, boodle money, at cellphone.
Ang suspek ay dinala sa PDEG Special Operations Unit (SOU) NCR, Taguig City para sa dokumentasyon at disposisyon habang ang nakumpiskang ebidensya ay dinala sa PNP Forensic Group (FG) sa Camp Crame para sa eksaminasyon. | ulat ni Leo Sarne
📸: PDEG
