Parami nang parami ang mga liga ng local government units (LGUs) ang nagpapahayag ng suporta sa direktiba ni Pangulong Ferdinand R. Marcos Jr. na nagkakansela sa collection ng pass-through fees.
Kasunod ito ng pagpasa kamakailan ng resolusyon ng League of Municipalities of the Philippines (LMP), Philippine Councilors League (PCL), at ang Vice Mayor’s League of the Philippines (VMLP) bilang pagsuporta sa Executive Order 41.
Inisyu ni Pangulong Marcos Jr. ang EO 41 nitong nakaraang linggo, upang himukin ang LGUs na suspindihin ang pagkolekta ng anumang kabayaran sa lahat ng uri ng sasakyang nagkakarga ng mga kalakal.
Nauna nang nakipagpulong si DILG Secretary Benhur Abalos sa mga opisyal ng ULAP, para kunin ang kanilang suporta sa pagpapaliban ng pass-through fees.
Noong isang linggo dahil din sa inisyatiba ng kalihim, ipinahayag ng Metro Manila Council ang kanilang suporta sa EO 41. | ulat ni Rey Ferrer
