Hindi makikilahok ang Bicol Intercity Transport Cooperative (BITCOOP) sa ikinasang nationwide tigil pasada ng grupong Manibela ngayong araw.
Nagbigay pahayag ang BITCOOP na walang dapat ikabahala ang mga commuter sa rehiyon dahil tuloy ang biyahe ng mga pampasaherong jeep, bus at AUV ngayong araw.
Anila, nanatiling pangunahing layunin ng BITCOOP ang magbigay serbisyo na maihatid ang mga pasahero sa kanilang mga pupuntahan. Ayon pa sa kooperatiba, suportado sila sa PUV Modernization Program ng Land Transportation Franchising and Regulatory Board. | ulat ni Garry Carl Carillo | RP1 Albay
