Magbibigay ang lokal na pamahalaan ng Taguig ng libreng sakay sa mga residente ng kanilang lungsod na maaapektuhan ng ikinasang tigil-pasada ngayong araw.
Ayon sa pamunuang ng Taguig City, bagamat wala namang banta ng tigil-pasada ang ilang transport groups sa lungsod at walang suspensyon ng pasok sa mga mag-aaral ay nakahanda ang kanilang command tents sa 14 na lugar sa lungsod upang maghatid ng libreng sakay.
Kabilang sa mga rutang may command tents na may libreng sakay ay ang:
Bagumbayan, DOST, ARCA South, Tenement, Gate 3, Waterfun, Market! Market!, Global Oil, Cayetano Blvd., Ususan, Petron Diego Silang, C5, Sta. Ana, at Napindan.
Samantala, sa EMBO barangays naman ay after Pateros Bridge, stop light or crossing of Buting, J.P. Rizal, C5, at Uptown Hub BGC/Kalayaan Avenue.
Nakadepende naman ang magiging deployment ng sasakyan sa dami ng pasahero sa nabanggit na mga lugar. | ulat ni AJ Ignacio
