Makikipag-ugnayan si House Appropriations Committee Chair Elizaldy Co sa Senado upang madagdagan ang pondo ng Department of Information and Communication Technology.
Ito’y bunsod ng magkakasunod na hacking sa website ng government agencies, pinakahuli ang sa Kamara nitong Linggo.
Batid ani Co na nangangailangan ngayon ng pondo ang DICT para tugunan ang paglipana ng ransomware attacks.
“For the continuing ransomware attacks, we convey to the Department of Budget and Management the urgent need for additional funds for the DICT and government agencies being attacked and vulnerable to cyberattacks.”, ani Co.
Mungkahi naman nito na humugot muna ng pandagdag pondo mula sa unprogrammed funds ng 2023 national budget para mapalakas na ngayon ang kapasidad ng DICT at iba pang ahensya ng pamahalaan.
Maaari rin aniyang bigyang awtorisasyon na gamitin ng mga ahensya ang kanilang saving para palakasin ang kanilang IT security at ransomware countermeasures. | ulat ni Kathleen Jean Forbes
