Nasa 166 na Tulong Panghanapbuhay sa Ating Disadvantaged/Displaced Workers (TUPAD) Program beneficiaries ng Department of Labor and Employment (DOLE) sa Lungsod ng Borongan ang tumanggap ng ayuda pinansyal sa isinasagawang TUPAD Payout ng DOLE-Eastern Samar at ng Public Employment Service Office (PESO)-Borongan City sa People’s Center ng Lungsod nung Miyerkules, Oktubre 18, 2023.
Ang naturang mga benepisyaryo ay tumanggap ng Php5,625.00 na ayuda pagkatapos magtrabaho ng labing limang araw sa kanilang barangay na nagtapos nung Martes, Oktubre 17, 2023.
Naging katuwang ang nasabing TUPAD beneficiaries sa isinasasagawang clean-up drive sa kanilang barangay.
Mismo ang DOLE ang tumukoy sa nasabing mga benepisyaryo na nagmula sa Barangay Hebacong at Barangay Divinubo Island, na pawang malayong barangay ng lungsod na dinadayo ng mga turista.| ulat ni Soc Aberia| RP1 Borongan
