Sinunog na ng Philippne Drug Enforcement Agency (PDEA) ang mga iligal na droga na nagkakahalaga ng halos P6 na bilyong mula sa iba’t ibang drug operations sa bansa.
Personal na inilagay sa chamber ng kawani ng PDEA sa pangunguna ni PDEA Director General Moro Vergillio Lazo kasama ang iba pang opisyal mula sa Dangerous Drugs Board, ang mga iligal na droga na mula sa iba’t ibang drug operations ng PDEA, Philippine National Police (PNP) at National Bureau of Investigation (NBI).
Kasama din si Representative Ace Barbers at Rep. Dan Fernandez, opisyal ng PNP at Department of Justice (DOJ). Kabilang na dito ang mga drogang nasa 274 kilos na nasabat sa Manila International Container Terminal Port, at ang 208 kilos ng shabu extender na narekober sa Mabalacat City, Pampanga. | ulat ni AJ Ignacio
