Patuloy na dinaragsa ng publiko ang isinasagawang “Lab for All” Caravan ni First Lady Liza Araneta-Marcos ngayong araw, ika-21 Oktubre 2023 sa San Jacinto, Pangasinan.
Ilan sa mga serbisyong hatid ng programa ay ang libreng medical consultation, libreng gamot, at legal consultation at advice.
Dagdag dito, hatid rin ng caravan ang iba`t ibang libreng laboratory services tulad ng Fasting blood sugar (FBS), Creatinine level test, Uric Acid test, Lipid profile, at Xray para sa mga suspected Tuberculosis patients.
Naging katuwang sa program ng Unang Ginang ang Pamahalaang Panlalawigan ng Pangasinan sa pamumuno si Gov. Ramon Guico III, Department of Health (DOH) Pangasinan, Provincial Health Office, Public Attorney’s Office (PAO) Dagupan City at Local Government Units (LGU) ng San Jacinto, Pangasinan.
Samantala, nagpahayag naman ng pasasalamat ang mga residente ng bayan sa programa at serbisyong hatid ng unang ginang. | ulat ni Ricky Casipit | RP1 Dagupan
