Patuloy ang Quezon City Epidemiology & Disease Surveillance Unit (QCESU) sa isinasagawang dengue case investigation sa mga barangay sa lungsod.
Kasunod ito ng patuloy na pagtaas ng kaso ng sakit na dengue na ikinasawi na ng anim na katao.
Sa kanilang pagbisita sa komunidad,inaalam ng mga tauhan ng QCESU ang mga pinamumugaran ng lamok na maaaring maging sanhi ng dengue.
Para mapigil ang pagtaas ng kaso ng nasabing sakit, nagsasagawa na rin sila ng health education at fogging at spraying operation.
Batay sa datos, tumaas ng 184 ang kaso ng dengue sa lungsod noong Oktubre 14, mas mataas na ng 6.82% kumpara noong Oktubre 7, 2023. | ulat ni Rey Ferrer
