Pinaalalahanan ng Land Transportation Franchising and Regulatory Board (LTFRB) ang mga commuter na bibiyahe sa darating na Barangay at Sangguniang Kabataan Elections (BSKE) at Undas.
Ayon kay LTFRB Technical Division Chief Joel Bolano, mainam kung magaan o kaunti lamang ang bitbitin ng mga pasahero upang mas maging komportable ang kanilang biyahe.
Tiniyak naman ng ahensiya ang kahandaan nitong tugunan ang mga concern o pangangailangan ng publiko.
Maaari silang lumapit sa mga help desk ng LTFRB o di kaya ay tumawag sa 24/7 hotline na 1342, at pagpapadala ng mensahe sa official media accounts nito.
Hanggang ngayong araw, nakapagpalabas na ang LTFRB ng 774 special permits para sa bus units na bibiyahe sa araw ng election at Undas. | ulat ni Rey Ferrer
