Naalarma ang IT Business Process Association of the Philippines (IBPAP) sa mataas na bilang na mga cyber attacks at hacking incident sa bansa.
Kamakailan, ilang ahensya ng gobyerno ang nabiktima ng cyber attacks at nalagay sa alanganin ang information system ng mga ito.
Ayon sa IBPAP, kung hindi agad mareresolba ay maapektuhan ang industriya ng business process outsourcing sa bansa.
Sa statement na inilabas ni IBPAP and CEO Jack Madrid, sinabi nito na ang mga ganitong illegal na aktibidad ay maaring magdulot ng panganib sa operasyon ng ITBPM industry at makaapekto sa reputasyon ng Pilipinas bilang “investment destination.”
Aniya, ang industriya ng IT-BPM sa Pilipinas, ay inaasahang kikita ng $35.4 bilyon sa pagtatapos ng 2023, kaya dapat na itong malabanan ng gobyerno upang maiwasan ang malaking pagkalugi.| ulat ni Melany V. Reyes
