Magde-deploy ang Philippine Red Cross (PRC) ng emergency medical services personnel sa buong bansa para sa paggunita ng Undas 2023.
Kaugnay nito ay nakahandang magbigay ng libreng serbisyong medikal ang mga PRC volunteer at staff sa mga bus terminal, seaport, airport, highway, at memorial park
Ayon kay PRC Chairman at CEO Richard Gordon, makakaasa ang ating mga kababayan na ang mga volunteer at staff ng PRC ay laging handa at laging nandyan sa oras ng medical emergency.
Nagpasalamat naman si Gordon sa mga volunteer at staff ng PRC sa kanilang tulong para sa publiko lalo na sa panahon ng Undas.
Batay sa datos ng PRC noong Undas 2022, nasa 3,000 indibidwal ang naserbisyuhan ng kanilang emergency medical services personnel. | ulat ni Diane Lear
